أسئلة بتتسأل كتير

خالص. إحنا بنصمّم الموقع ونطلقه ونتابعه، وإنت بتراجع وتقولنا رأيك. ولو باقتك فيها التعديل بنفسك، لوحة التحكم معمولة للموبايل وسهلة.

موقعك بيبقى جاهز في 3 لـ 7 أيام، وبنبعتلك تشوفه على موبايلك قبل ما ينزل.

أيوه: عيادات، صيدليات، متاجر، مطاعم، شركات سياحة، مكاتب محاماة، مدارس، شركات، قاعات وغيرهم. وكل موقع بنبنيه لنشاطه، مش من قالب جاهز. ولو نشاطك مش في القايمة، كلّمنا.

إحنا ستوديو مصري، وبنشتغل مع أنشطة في مصر والخليج وبقية الدول العربية. كل التواصل على واتساب ومن لوحة التحكم، فمكانك مش فارق. حاجتين بس لسه مصرية لحد دلوقتي: المتجر الأونلاين بيوصّل جوّه مصر، وأسعار الكتالوج بتظهر بالجنيه المصري (قوايم الخدمات وجداول الأسعار تقبل أي عملة).

أيوه. الموقع بيتعمل بالعربي، ولو عايز نسخة إنجليزي بنعملها كمان، وكل لغة ليها عنوانها اللي جوجل بيلاقيه.

بنجهّز كل صفحة لجوجل: عنوان ووصف، وخريطة للموقع، وبيانات نشاطك بالشكل اللي جوجل بيفهمه، وبنساعدك تربط نشاطك بخرائط جوجل. محدش يقدر يوعدك بترتيب معيّن في نتايج البحث، وإحنا مش هنوعدك بده.

على إن موقعك يفضل شغّال: الاستضافة، والعنوان، وشهادة الأمان، والدعم طول الشهر، والتواصل المباشر على واتساب. التصميم بيتعمل مرة واحدة، لكن دول مستمرين طول ما الموقع شغّال.

أيوه، وقت ما تحب. كلّمنا ونغيّرها لك، والسعر الجديد بيبدأ من الفاتورة الجاية.

كل الباقات فيها عنوان باسم نشاطك على site4u.live. والباقات الأعلى فيها كمان دومين باسم نشاطك: بنشتريه ونجدّده ونربطه، ويفضل مسجّل باسمنا طول ما إنت مشترك. لو عايزه باسمك بنبيعهولك، ولو عندك دومين بالفعل بنربطه بموقعك.

لسه. المتجر دلوقتي بالدفع عند الاستلام، والتوصيل بسعر لكل محافظة جوّه مصر.

مفيش مدة ارتباط ولا غرامة. الموقع بيفضل شغّال لآخر الفترة اللي دفعتها، وبعدها بيقف، وبياناتك بتفضل محفوظة 30 يوم تقدر تنزّل فيها نسخة كاملة أو ترجع.

الدعم موجود طول الشهر. اطلب اللي عايزه من لوحة التحكم أو ابعتلنا على واتساب، وإحنا نكمّل. ولو باقتك فيها التعديل بنفسك، تغيّر الكلام والصور والأسعار من موبايلك.

المحتوى بتاعك: كلامك وصورك ولوجو نشاطك وبيانات عملائك، وتقدر تنزّل نسخة كاملة منه من لوحة التحكم في أي وقت. التصميم والبرمجة بتوعنا، وبتستخدمهم طول ما اشتراكك شغّال.

أيوه، في كل الباقات. في لوحة التحكم بتلاقي عدد الزيارات آخر 7 أيام و30 يوم، وأكتر الصفحات اللي اتشافت، والزيارات جت منين (جوجل، فيسبوك، واتساب وغيرهم)، وكام منها من الموبايل. بنعدّ من غير كوكيز ومن غير ما نعرف مين الزائر، فالأرقام تقريبية، ومش بنحفظ أي بيانات عن أي حد.