محتاج صفحات أو شغل أكتر من الباقة؟ بنتفق معاك على السعر قبل ما نبدأ.
أسئلة عن الباقات
بدفع كل شهر على إيه؟
على إن موقعك يفضل شغّال: الاستضافة، والعنوان، وشهادة الأمان، والدعم طول الشهر، والتواصل المباشر على واتساب. التصميم بيتعمل مرة واحدة، لكن دول مستمرين طول ما الموقع شغّال.
أقدر أغيّر الباقة بعدين؟
أيوه، وقت ما تحب. كلّمنا ونغيّرها لك، والسعر الجديد بيبدأ من الفاتورة الجاية.
العنوان هيكون باسمي؟
كل الباقات فيها عنوان باسم نشاطك على site4u.live. والباقات الأعلى فيها كمان دومين باسم نشاطك: بنشتريه ونجدّده ونربطه، ويفضل مسجّل باسمنا طول ما إنت مشترك. لو عايزه باسمك بنبيعهولك، ولو عندك دومين بالفعل بنربطه بموقعك.
المتجر بيقبل دفع أونلاين؟
لسه. المتجر دلوقتي بالدفع عند الاستلام، والتوصيل بسعر لكل محافظة جوّه مصر.
لو وقفت الاشتراك يحصل إيه؟
مفيش مدة ارتباط ولا غرامة. الموقع بيفضل شغّال لآخر الفترة اللي دفعتها، وبعدها بيقف، وبياناتك بتفضل محفوظة 30 يوم تقدر تنزّل فيها نسخة كاملة أو ترجع.
ولو عايز أعدّل حاجة بعدين؟
الدعم موجود طول الشهر. اطلب اللي عايزه من لوحة التحكم أو ابعتلنا على واتساب، وإحنا نكمّل. ولو باقتك فيها التعديل بنفسك، تغيّر الكلام والصور والأسعار من موبايلك.